Bahasa Banjar

Imlek, Jalan Veteran, wan Minyak Bidawang

hancau.net – Hari ini Imlek, Jumat tanggal 12 Februari 2021. Lamun bapandir masalah imlek ni, bilang tiap tahun tu pang kakawanan kita nang Cina merayakannya, khususnya di jalan Veteran banjarmasin. Kecuali inya kada ingat lawan tahun baru nya sorang.

Ingat Imlek di Banjarmasin pasti pian langsung kaingatan barongsai, jalan Veteran, kelenteng, lawan wadai keranjang. Nah, kebetulan di Banjarmasin ni ada kelenteng nang lumayan bersejarah. Ngarannya Suci Nurani.

Menurut habar, lawan beberapa sumber nang ulun baca, kelenteng ini sudah berumur kurang lebih 123 tahun. Dibangun mulai tahun 1898 di pinggir sungai Martapura.

Haan… lawas banar kalu, mun pian ada baisi padatuan nang masih hidup, dan bagana di Banjarmasin, kemungkinan sidin tahu kyapa jua sejarah kelenteng ngini.

Lamun pian bejejalanan ke sana, unik banar di dalamnya. Ciri khas Cina, ornamen yang dipakai, sampai buncu tihang gin ada maknanya dalam fengshui.

Jalan Veteran, selain terkenal karena hibak kakawanan kita nang Cina, terkenal jua hagan wadah jual beli. Setahu ulun, banyak banar binatang liar nang dijualbelikan di sana. Ular, biawak, kura-kura, sampai nang langka gin ada juga.

Tapi behinipan haja lah, sualnya ini buhannya bejualnya kada terang-terangan jua.

Ujar paman ulun, “urang-urangnya haja nang tahu”.

Selain binatang liar, di daerah Veteran tu terkenal jua urang bejualan minyak bulus, atau kita menyambatnya minyak bidawang.

Naah… lamun minyak ngini banyak khasiatnya. Mulai jaman bahari kala sudah dipakai lawan bubuhan kerajaan puteri Banjar gasan perawatan kulit.

Saking terkenalnya minyak bidawang di sini, sampai-sampai nang manungkar kada urang kita haja. Urang mulai Jawa gin banyak jua manungkar.

Sekian dulu kisah singkat ulun. Lamun ada kesempatan, handak ai lagi bakisah nang lain.

Kisah ini ulun kutip dari web nya detik. Lamun pian handak nang bahasa Indonesia, kawa haja ka situ mambacanya.

Share
Published by